होडी

वाण्याचे सांगतो कुळ,
विकतो देहू गावी गुळ
नांदुरकीच्या झाडाखाली
बेतुक्या शोधतो मुळ

स्वर टाळ चिपळ्यांचा
विरून हवेत गेला
छेडून विणेच्या तारा
बेतुक्या थकून गेला

भोवती गर्द पाचोळा
काही हिरवा काही पिवळा
काही वार्‍याने उडून गेला
काही तीथेच निजला

दुथडी किनारा जोडी
सावरते पाण्याचे लोटं
विझतील श्रावणधारा
दोलायमान ही होडी

सोडून पाश होडीचे
तो घेऊन जाईल दूर
झुरतील बंध रेशमाचे
मग पुन्हा येईल पूर