मला जादूचा डब्बा मिळाला.आणि डाळींना मोड आणणे हा कंटाळवाणा कार्यक्रम आनंददायी झाला.खाकराचे जे पसरट गोल डब्बे मिळतात ते वापरून मूग आणि मेथी दाणे याला मस्त मोड आले.भिजलेले दाणे टाकून दर रात्री पाण्याचा थोडा शिपका त्यावर मारायचा.तिसर्या दिवशी डब्याला खुलजा सिम सिम केलं की छान छान मोड दिसतात.
१.वाटीभर मेथ्या रात्रभर भिजवल्या.
२.दुसर्या दिवशी एका किंचित हवा जाऊ शकेल अशा पसरट डब्यात त्या मोड यायला पसरून ठेवल्या.
३.तीन दिवसांनी मेथ्यांना छान मोड आले होते.
४.भाजी नेहमीप्रमाणे फोडणी देत बारीक चिरलेला कांदा टोमॅटो परतून त्यात हे मोड आलेले मेथी दाणे परतून वाफवून घेतले.
याची रस्सा भाजीही करू शकता.
दरवेळी त्याच त्याच चवीपेक्षा वेगळया चवीची भाजी मस्त लागते.चव खरच अप्रतिम आहे किंचीत कडू अगदी नाममात्र.मोड आलेल्या मेथी दाण्यांचे इतर पदार्थ -
१.मोड आलेल्या मेथी दाण्यांचे लोणचे
२. मोड आलेल्या मेथी दाण्यांचे भात/खिचडी
बाकी मेन्यू..
फ्लॉवर भाजी, मोड आलेल्या मेथी दाणेची भाजी, घरचं लिंबाचे लोणचे,भात तुरीचे वरण,अर्धी पोळी.वरण अळणी आहे.भातही अळणी आहे.वरण भात खातांना मीठ न घालता कमी मिठातल्या भाज्या एकत्र करून खाल्ला.
