नमस्कार मंडळी
कर्नलकाकांनी विनंती केल्यावरुन हा आजच्या कट्ट्याचा छोटासा वृत्तांत
एक सदस्य अमेरिकेतुन आल्याने कट्टा करावा असे ठरत होते, त्यामुळे ८-१० जणांचा कायप्पा ग्रुप तयार करुन चर्चा सुरु झाली आणि हो-ना करता करता डेक्कन,संभाजी पार्क ला भेटु असे ठरले. मी थोडासा उशिरा १०.४० पर्यंत पोचलो तोवर कर्नल तपस्वी,प्रचेतस, श्री गणेशा आणि त्यांचा भाचा असे आले होते.
पावसाळी वातावरण असल्याने उन्हाचा त्रास नव्हता. श्री गणेशा हे हैद्राबादहुन आले होते त्यामुळे त्यांचे विशेष कौतुक. गप्पा मिपावरुन चालु होउन छंद्,नोकरी, तांदुळ्,टेक्नॉलॉजी अशा वाट्टेल त्या विषयांवरुन धावत होत्या. श्री गणेशा हे "माझा गणेशा झालाय" वाले नव्हेत हे समजल्याने आनंद झाला.
डावीकडून -रामचंद्र ,कर्नल तपस्वी ,राजेंद्र मेहेंदळे ,प्रचेतस, श्री गणेशा आणि त्यांचा भाचा
थोडा वेळ गप्पा झाल्यावर बागेत फेरी मारु असे म्हणेस्तोवर बाग बंद झाली. मग मोर्चा समोरच्या शिवसागर कडे वळला. तेथे चहा, नाश्ता, गप्पा वगैरे चालु होत्याच तोवर अजुन एक सदस्य रामचंद्र आले.
ग्राहक वाढायला लागल्याने मालकाने हाकलायच्या आत बाहेर आलो, आणि गप्पांचा फड चालु ठेवला.
वाचलेली चांगली पुस्तके, आलेले अनुभव, ईतिहास्,भूगोल्,नागरीक शास्त्र एक ना दोन विषय. असे एकातुन दुसरे विषय उलगडत जात होते. शेवटी वेळेचे भान ठेवुन गप्पा आवरत्या घेतल्या. अखेर प्रचेतस यांना वन डे गायडेड टूर काढण्याची विनंती करुन आणि तूनळी चॅनल सुरु करायचा आग्रह करुन कट्टा समाप्त झाला.
कळावे लोभ असावा.