“जेवायला वाढ, खूप भूक लागलीय.” तो घरात शिरत म्हणाला.
दिवाळीचा पाडवा,ती हरखली, किंचीत लाजली सुद्धा.काय हो अचानक कसे काय?आणी ते सुद्धा रात्रीच्या साडेअकरा वाजता.तो नुसताच गालात हसला.झोपलेल्या मुलांकडे प्रेमाचा एक कटाक्ष टाकला.
आई बाबा तुम्ही येणार नाही म्हणून तुमच्या बहिणीकडे गेलेत.
त्याच्या अचानक येण्याने तारांबळ उडली होती.तोडंच्या टकळी बरोबरच तीने पाट रांगोळी करत ताट वाढायला घेतल॔.
आपल्याच नादात म्हणाली, आहो हात पाय धुऊन घ्या. तो गेला.
.
.
.
.
.
.
मुलगा तीला हालवत म्हणाला,
"ए आये,दारावरची घंटी वाजतीय".
डोळे चोळतच तीने दरवाजा उघडला,बघते तर काय ? दोन अनोळखी फौजी उभे होते.
मागे वळून बघत धाडकन खाली पडली.