बरसती धारा
बरसती धारा सरसर झरझर
साजण भेटीला निघे साजणी भरभर
नाद हा करिती चुकार पैंजण
टिपत असेल हा नाद तो साजण
नव प्रेमाची मनी नवीच थरथर
बरसती धारा सरसर झरझर
धारांचा पडदा काही दिसेना
कुठे शोधू मी काही कळेना
काय करावे कसे मिटेल अंतर
बरसती धारा सरसर झरझर
ओल्या देही अशी शिरशिरी
वाऱ्याची मस्ती चाले भिरभिरी
अंतरी प्रेमाच्या लहरी नवथर
बरसती धारा सरसर झरझर
कुठे असेल तो आतुर साजण
झाडामागे तो चतुर साजण
आता उबेला ती मिठीच कणखर
नको दुरावा आता क्षणभर
बरसती धारा सरसर झरझर
साजण भेटीला निघे साजणी भरभर
बरसती धारा सरसर झरझर
body {
background: url(https://i.postimg.cc/3JFS7g8f/IMG-20200503-162101.jpg);
background-size: 4500px;
}