[कविता' २०२०] - मी खुशाल आहे

मी खुशाल आहे

रोजचाच का हा ,आता सवाल आहे
मी खुशाल आहे का तूखुशाल आहे,

एवढे जरी सारे तू बोलून गेली होती
कालच्याच फोटोत ,तो गाल लाल आहे

रुसल्यात पापण्या या रात्रीस काय सांगे
जळतेस कुणासाठी वातीस सवाल आहे

आलीच होती दारात घरात यायचे होते
का उंबऱ्याशी झुंजते का मंद चाल आहे

कोणतीच कचेरी बोलत नाही काही
तो पायरी वर उभा हातात निकाल आहे

रडलो जरी मी तुझ्यासाठीच का रडलो
या मंथनाचा प्रवास ,आजकाल आहे

background-size: 4500px;
}