ऐरोळ्या:

साहित्यः

बेसन एक वाटी
कणीक अर्धी वाटी
तांदूळ अर्धी वाटी
अर्ध्या नारळाचं दूध
साखर एक वाटी
साजूक तूप मोहन आणि तळणीसाठी
वेलदोडे पूड
सजावटीला बदाम पिस्त्याचे काप
चिमूटभर मीठ (ऐच्छिक)
.

.
.

कृती:

बेसन, कणीक, तांदूळ पिठी चाळून एकत्र मिसळावी.
त्यात १ टेबलस्पून तूप तापवून मोहन घालावं. मोहन मिश्रणाला सगळीकडे एकसारखं लागलं की त्यात आधी नारळाचं घट्ट दूध मिसळावं, आणि नंतर मग पातळ दूध मिसळून भज्याच्या पीठापेक्षा किंचित घट्ट भिजवावं.
नंतर कढईत तूप तापत ठेवून चमच्याने हे मिश्ररण सोडून ऐरोळ्या मंद आचेवर खरपूस तळाव्यात.
साखरेचा गुलाबजामच्या पाकापेक्षा जरा घट्ट पाक करुन ठेवावा त्यात वेलदोडे पूड घालावी आणि खायला द्यायच्या पंधरा मिनिटं आधी ऐरोळ्या पाकात घालाव्यात. खायला देताना बदाम पिस्त्याचे काप पेरावेत.

.

.

(*मी वाचलेल्या पारंपारिक पद्धतीत तयार सरसरीत पीठातच सुका मेवा आणि पीठीसाखर घालून मग ते तळतात. मी हा थोडा बदल केला आहे.)