तुझ्या रूपाचं चांदणं
पोरी जपून ठेवावं
आणि नक्षत्राचं दान
त्यात ओतून ठेवावं //१//
असं टिपूर पडलं
तुझ्या रूपाचं चांदणं
तुला कसं गं सुचलं
माझ्या नावाचं गोंदणं //२//
तुझ्या रूपाचं चांदणं
माझ्या नावाचं गोंदणं
तुझा मेंदीचा गं हात
माझं नक्षीचं कोरणं //३//
तुझ्या हातावर नक्षी
माझ्या नावाची कोरली
चंद्रकोर आकाशीची
उगा स्वतःशी लाजली //४//
कशापायी लाजली गं
चंद्रकोर आकाशीची
मिठी पडली पृथ्वीची
दूरवर क्षितिजाची //५//
माझ्या काळजाच्या पोटी
तुझी पृथ्वी किती मोठी
तुझ्या रूपाचं चांदणं
त्याला क्षितिजाची मिठी //६//
.
.
(चित्रः पियुशा)
.
.
कवि : भरत उपासनी
शारदाकुंज,एन थ्री एल २४,सिडको कॉलनी,पहिली स्कीम,नाशिक ४२२००९.
भ्रमणध्वनी : ८०५५८५२९७८.
