पूर्वीचे शिर्षक वाचून बर्याच जणांच्या भुवया वर गेल्या त्यामुळे नाम मे चेंज होना
हा धागा लिहिण्याची प्रेरणा म्हणजे मुविंचा http://www.misalpav.com/node/29773 हा धागा …
मी स्वतासाठी आत्तापर्यंत ४ बाईक्स घेतल्या आहेत …आणि वापरून झाल्यावर परत विकल्या … त्यामुळे इथे दुसर्यांना बाईक्स बघताना थोडी मदत व्हावी या उद्देशाने हा लेख (… म्हणा जिल्बी चायला )
बहुतांशवेळा लोकं बाईक घेताना खालील मुद्दे विचारात घेतात
१. दमड्या
२. मायलेज … "कितना देती है"
३. दिसणे
४. ताकद (power)
५. आराम … ( थोडाफार दुर्लक्षित मुद्दा )
६. तेलपाण्याचा / सुट्टया भागांचा खर्च
७. अतिरिक्त वैशिष्ट्ये … (additional features)
वरीलपैकी कोणत्या मुद्याला किती प्राधान्य द्यायचे ते बहुतांशवेळा "वापरणार्याच्या वयावर + विकत घेणार्याच्या खिशावर + पेट्रोलचा खर्च किती परवडतो त्यावर" अवलंबून असतो
माझे वयानुसार ठोकळेबाज निरीक्षण असे (सर्व अंदाज आहेत …. ते सुध्धा फक्त निरीक्षणावरून … त्यामुळे विदा मागणार्यास फाट्यावर मारण्यात येईल :D )
शारीरिक वय १८ पेक्षा कमी
या कार्ट्यान्ना बाइक हातात देऊ नये… चायला बडे बाप के बेटे
मानसिक वय १८ ते २५
यांना मुख्यत्वे शायनिंग मारायची असते त्यामुळे
१. दिसणे
२. ताकद (power)
बाकी मुद्दे गेले तेल लावत …. पाख"रे" इंप्रेस झाली पाहिजेत …. मित्र्रांनी कसली भारी बाइक आहे असे म्हणून दाद दिली पाहिजे …इतकाच उद्देश
मानसिक वय २५ ते ३३
यांच्याकडे नवीन नोकरीचे पैसे आलेले असतात…यांना सुध्धा थोडीफार शायनिंग मारायची असते पण त्याबरोबरच दमड्याम्चे मुल्य (value for money) आणि व्यावहारिक मुल्य सुध्धा बघतात … बर्याचदा स्वताच्या खिशातले पैसे असतात त्यामुळे :)
१. दमड्या
२. मायलेज … "कितना देती है"
३. दिसणे
४. ताकद (power)
काहीवेळा
५. अतिरिक्त वैशिष्ट्ये … (additional features)
मानसिक वय ३३ ते ४०
आर्थिक दृष्ट्या हे बर्यापैकी स्थिर असतात … पण लग्न झालेले असते … बरोबर १-२ कच्चीबच्ची असतात … संसार खर्च वाढलेले असतात …
बर्याचदा या वयात नवीन बाइक घेणारे कमीच असतात कारण बाइक आधीच घेऊन झालेली असते … बाइक घेण्याचे कारण हे कदाचित कार बरोबर १ बाइक असलेली बरी असे असते
१. दमड्या
२. तेलपाण्याचा / सुट्टया भागांचा खर्च
३. मायलेज … "कितना देती है"
४. आराम
मानसिक वय > ४० - उपप्रकार १
यांची कार घेण्याईतपत आर्थिक परिस्थिती नसते
१. दमड्या
२. मायलेज … "कितना देती है"
३. आराम … ( थोडाफार दुर्लक्षित मुद्दा )
४. तेलपाण्याचा / सुट्टया भागांचा खर्च
५. अतिरिक्त वैशिष्ट्ये … (additional features)
मानसिक वय > ४० - उपप्रकार २
हे खरे बायकर्स …. यांना कार पेक्षा बाइक आवडते
१. ताकद (power)
२. आराम … ( थोडाफार दुर्लक्षित मुद्दा )
३. अतिरिक्त वैशिष्ट्ये … (additional features)
४. दिसणे
तर आता विभागवार ठरलेल्या बायकांचे पर्याय बघू
क्रमश: