साहित्यः
पिकलेले चिकू १/२ किलो.
खवा १५० ग्रॅम
साखर १०० ग्रॅम
वेलची पूड १ लहान चमचा.
साजूक तुप २ मोठे चमचे (टेबल स्पून)
बदामाचे काप सजावटीसाठी
तयारी:
चिकूची साले सोलून, बिया काढून मिक्सरमधून वाटून त्याचा लगदा करून घ्या.
कृती:
कढईत तुप तापवून त्यात चिकूचा लगदा टाकून, मध्यम आंचेवर, परतत राहा. जास्त शिजवावे लागत नाही. पाणी जरा आटले आणि चिकूची कच्ची चव गेली की त्यात खवा टाकून परता. खवा नीट एकजीव झाला की वेलचीपूड आणि साखर घालून परता. साखर घातल्यावर मिश्रण जरा पातळ होईल. ते जरा घट्ट होईपर्यंत आणि त्याला तुप सुटेपर्यंत परतत राहा. मिश्रणाने कढई सोडायला सुरुवात केली की एखाच्या चांगल्या सटात काढून जरा थंड होऊ द्या.
चिकू हलवा बदामाच्या कापांनी सजवा.
गणपती बाप्पा मोरया!