सध्या चावडीतल्या काही धाग्यांवर मी अनेकांच्या दिवाळीची तयारी, त्यानिमित्तचे खास आयटम्स, धागे इत्यादींचे उल्लेख वाचतो आहे.
तसे काही लेखन यावे अशी माझीही इच्छा आहे
( मी स्वतःही 'आठवणीतली दिवाळी' हा लेख लिहणार आहे पण तुर्तास त्याचा वायदा करत नाही, ऑलरेडी ह्याबद्दल बदनाम आहे ते पुरेसे आहे, असो )
तर ह्याच संदर्भात आपल्या संपादकांपैकी काहींनी पुढाकार घेऊन नवे धागे / नव्या स्पर्धा / नवे उपक्रम जाहीर करावेत असे सुचवतो.
माझ्या काही रफ कल्पना :
१. दिवाळीनिमित्त केल्या जाणार्या रुचकर पदार्थांचे फोटो / पाककृती आदी तत्सम ( गणपा सोडुन इतर जणांसाठी ;) )
२. आकाशकंदिल किंवा अन्य सजावट ( पणत्यांची रांगोळी तत्सम ) ह्यांची स्पर्धा
३. दिवाळीनिमित्त बांधले जाणारे किल्ले आदींची स्पर्धा
४. दिवाळीत टायमिंग साधुन काढलेले काही उत्तम फोटो ( लहानग्यांचे फटाके उडवताना, किल्ले बांधताना, भाऊबीज इत्यादी )
५. दिवाळीचे लेख वगैरे ...
सध्या रेवतीताई, विकासराव, पैसाताई ह्यांचा उत्साह पाहुन त्यांना सदरील आयडिया वर्क-आउट करण्याची विनंती करतो. मी हे स्वतः केले असते पण आज दुपारपासुन ते शुक्रवारपर्यंत आमची क्लायंट व्हिसिट असल्याने मी अंमळ बिझी असेन व मला वेळ काढुन ह्या विषयाला न्याय देता येणार नाही.
कृपया पुढाकार घ्यावा ही नम्र विनंती :)
ता.क. :
ह्या दिवाळीच्या कालखंडात मिपाच्या लुकमध्येही बदल करुयात, काही फोटो आणि आकाशकंदिल वगैरे लाऊयात.
मी ह्याबाबत प्रशांत आणि नीलकांत ह्यांना लक्ष घालण्याची विनंती कर्तो, मदत करण्यस मी तयार आहे.